☆★Jade's world★☆

？！

cylovejade — Tue, 14 Dec 2010 07:56:50 +0000

好郁闷啊~~~ 怎样才能进去啊？？？？？？？

小虎杂记4

cylovejade — Fri, 05 Nov 2010 05:40:55 +0000

小虎已经4个几快5个月了！

(嚟张得意D嘅近照先）

呢段时间，感觉佢慢慢长大了！

你同佢讲嘢，佢会望住你，好似好识听咁，心情靓个阵（通常系训够食饱）就“咿咿呀呀”咁好多嘢同你讲。识得拿嘢玩，摇铃啦，手巾仔啦，纸巾袋啦，总之只手仔摸到嘅又拿得起嘅，佢都会拿嚟望下望下。仲有就系好中意食奶奶个阵用只手搞个奶樽，想拿住但系又未识，通常都系扶住个樽。识得1.2.3用力“企”起，识得屙臭臭就眼定定“唔唔唔”咁叫。佢又好中意“坐”响度，棟住抱，成日都自己用力谷起身，但系坐又未坐得稳，自己又向前中，好搞笑！宜家我地同佢玩，主要目标就系凼到佢笑出声，不过要经常变换花款咖，如果唔系佢只会笑，就唔出声。听到佢嘅笑声，系一件好令人兴奋嘅事啊~~所有辛酸都可以忽略！

不过小虎嘅睡眠质量始终唔好，夜晚还可以，可以自己训，但系白天就好难放低，而且每次要训觉都要抱住行行行，个口就念经咁“哦哦哦”，哎！小虎你几时先识得自己训着啊？！（咁耐，净系试过半夜自己训着4次）

宜家小虎先基本可以自己翻身，主要系唔系好识得过内侧只手仔，趴咗响度都未撑得起晒个身。

（呢个系最先可以趴响度嘅情况）

最衰就系经常食手，由开始成个拳头塞落个口，发展到宜家食手指公同食指，有时只手指塞得太入，搞到扣喉咁，郁闷啊！！仲要D手指仔响个口入面玩下玩下，D口水就好似开水龙头咁流，好核突啊！！

小虎嘅强项始终都系游水！

小虎仲好恶恶咖！一唔中意就大大声响度“啊~~~~”，无佢收！

（招招积~）

P.S. 要同小虎say sorry啊！唔会再有下次，ok？！小虎乖乖啊~~

Hello world!

cylovejade — Thu, 30 Sep 2010 03:10:31 +0000

Welcome to WordPress.com. This is your first post. Edit or delete it and start blogging!

郁闷的9月

cylovejade — Thu, 30 Sep 2010 03:03:18 +0000

本来这个9月是充满期待的、开心的，可惜，事与愿违，到头来，只有郁闷！

今个月，两件“大事”都未能够完成，第一系同小虎影百日照，只衰仔个日完全不在状态，未训够，响度扭计。第二系生日之旅被无情搁置了，凑仔，真系超级无自由啊！

嚟个小虎的自拍百日照吧！

小虎BB三个月了

cylovejade — Mon, 13 Sep 2010 15:07:17 +0000

今日小虎三个月了，记录一下情况先。

越嚟越贪玩贪玩到训咗一阵，有少少精神就自己手舞足蹈，你聊下佢仲开心。

越嚟越中意笑宜家小虎逗一下就好易笑了，有时自己望住盏吊灯或者空调都笑餐懵。

越嚟越多嘢讲从单音发展到简短嘅句子，虽然唔知个D系咩外星语。佢特别中意讲“嗯咕”,唔知系因为我哋成日教佢讲定系呢两个音容易发呢？！

越嚟越好奇除咗成日周围观察情况外，佢连自己只手都好奇。呢几日经常举起自己只右手睇完又睇，摆嚟摆去，好搞笑！仲有就系居然“识得”睇电视（爷爷嫲嫲觉得好得意，我就觉得唔可以咯）。

之前小虎只眼一直都系内双，宜家终于睇到好明显嘅双眼皮了。不过唔知系咪因为佢个头仔太重，直至今日为止，条颈都未硬，撑唔起个大头轰轰。更加唔好话趴响度撑起抬头了。人地晴晴表姐一早就得了，小虎太落后了，一定要加油先得~

另外小虎真系一个好恶嘅BB，一扭计就唔系人咁品啊！超级恐怖！宜家就话未识性，如果大个仲系咁，吊起嚟打~~~哇咔咔！

嚟个开心组图先：

小虎杂记3

cylovejade — Tue, 24 Aug 2010 11:32:02 +0000

话咁慢，小虎已经两个月多了。

首先嚟数下佢D恶性：

1.越嚟越识扭计有咩事就唛大个喉咙放声大喊（前排先醒起，原来佢出世就已经系大声公了，同产房、同房个D BB相比起佢，都喊得好“斯文”），最衰就系连眼训都要喊一轮，发晒烂咋，郁闷S了！

2.手多多经常在自己块面乱咁抓，搞到伤痕累累，最长一条血痕成2cm，变咗个刀疤仔。另外，唔中意个阵，仲识得用只手拨开，最叻就系拨开饮水樽。

3.唔抱训唔熟呢个最惨了！放唔低！抱住训着之后，一放低就醒，一醒就喊。你抱住佢训呢，就一只猪仔咁，点训都得，哎~~

4.玩口水呢个情况多数响佢游水个阵出现，都唔知点识嘅，可能每个小朋友都会的吧！

比起之前，越嚟越8，经常抬头周围望，特别系光嘅地方。另外仲中意发出D简单嘅音，中意人地同佢讲嘢。但系清醒个阵始终都唔系笑得好多，而半睡眠状态就经常自己傻笑或者奸笑。书话越早识得笑嘅BB就越聪明咖！睇嚟小虎都唔算聪明了。又唔系啊~男仔嘅智力系遗传于妈妈咖，无理由唔聪明咖！！仲有小虎好中意游水，游得好叻叻啊！就连冲凉都当咗游水，脚仔系咁撑撑撑，如果喊紧，一放落水就即刻唔喊了。

上两日小虎又唔原训觉了，后尾自己眼训了，就训个够，到够钟食奶奶都唔醒，但系潜意识肚饿了，个嘴就响度郁郁下，就好似食紧奶奶咁！之后难得佢醒咗，就同佢游水啦！点知佢玩咗几玩，又眼训喔，开始喊。就响我出去拿毛巾嘅呢段时间，佢居然响水度自己训着咗，笑S我了~

凑仔，一个字：烦！两个字：困身！三个字：无得训！

呢项工作真系完全唔适合我啊！因为我无耐性+自由惯+烂训。咔咔~~

一个月……

cylovejade — Sun, 15 Aug 2010 02:38:39 +0000

挨咗咁耐，先过得一个月，郁闷！

实习咗一个月，都仲未适应。

因为要凑住BB，极少出门了，寻日系BB出世后去得最远嘅地方–省城。回家路上，突然有D失落，心情矛盾，一方面有D抗拒返去，感觉好有压迫感，但另一方面又好挂住小虎喔。可能之前自由惯咗，突然间生活重心改变了，就系围绕小虎转转转，心理唔平衡吧！

凑仔抑郁症啊！！！

之前妈子凑住小虎，就觉得佢好好玩好得意，到宜家自己凑佢，就觉得一D都唔好玩了！虽然，佢唔扭计个阵都系觉得佢好得意嘅！！

嚟紧呢个月嘅主要任务：当然就系凑仔啦！目标：习惯小虎去大大；改掉小虎抱住训嘅坏习惯。期望：小虎越大越好凑啦！拜托~~

小虎BB要乖乖啊~~~

小虎杂记2

cylovejade — Thu, 15 Jul 2010 15:20:45 +0000

上两日，小虎满月了。时间过得真系超慢啊！带佢去剪咗个光兜兜滑溜溜，呵呵！

前排坐月觉得好似坐监咁，多多限制。宜家先知，凑仔更似坐监。24小时专人服伺，有时仲要人帮手，离开距离不能超过10米，时间不能超过10分钟。好郁闷啊！

虽然话有时望住佢会觉得好幸福，但系，宜家处于过度时期，我仲需要慢慢磨炼呢！毕竟挨夜真系好痛苦嘅一件事，好挂住以前训到自然醒嘅满足感啊！

最中意睇小虎未训熟个阵古灵精怪个样，表情极其丰富。有时嘟嘴，有时喵嘴，有时抿嘴；一时翻白眼，一时单眼，一时斜眼偷睇；佢仲喜欢表演“喜怒哀乐”，还有奸笑。虽然我觉得呢D都系无意识嘅表情，但系见到就会觉得好搞笑。

小虎训觉都好多动作，有时仲好似打功夫咁，又中意用手响自己块面度乱搞，又会捉自己D头发仔。经常“举高只手，使乜怕丑”，最搞系会举高两只脚嚟放屁。

小虎快快长大啦！

小虎杂记

cylovejade — Sat, 03 Jul 2010 13:55:39 +0000

今日小虎先20日，寻晚同公仔讲：几时先可以养到佢好似你咁大，乜都唔使理啊？！

我开始愁紧，将来嘅日子，都唔知要点挨了~ 事关寻晚佢扭计了，点抱都放声大喊，简直考验我嘅耐性啊！睇嚟我要好好收敛一下D脾气了！

寻日医院上门检查，小虎已经达到一个月的标准了，嘻嘻！唔错唔错，要继续努力。

不过我发觉小虎训觉时间少于“标准”嘅18-22小时，成日都有一觉无一觉咁训，好希望佢可以训多D啊！咁样先可以快高长大咖嘛！

今日小虎先第一次游水咋！大家都好兴致勃勃，除咗小虎！开头放佢落水，一D反应都无，我哋就逗佢，推佢个水泡，整佢D手手脚脚，慢慢，佢终于识得自己“游”了，我哋就好开心咁响度讨论。后来我发觉，都唔系小虎响度玩，系我哋攞佢嚟玩，哈哈哈~

之前响小区散步嘅时候，有好多人都会带BB落去玩，个阵我望D BB，会捻：都唔得意嘅！咁丑样嘅！之类，然后见到有人拖住D狗狗散步，就莫名地兴奋，“狗狗好可爱啊！”，就好想过去同D狗狗玩！曾经怀疑自己，中意狗仔多过BB仔。

但系宜家，终于明白，任何一个爸爸妈妈真系会觉得自己个BB系最可爱嘅！我已经盲目咁觉得小虎好可爱了，哈哈哈~~

与小虎共同努力的38周

cylovejade — Mon, 21 Jun 2010 06:40:59 +0000

小虎的到来，是计划之中，意料之外，呵呵！

记得看到棒棒显示怀孕的瞬间，莫名的兴奋。真的像中奖一样的感觉。

第六周开始就有胸闷的感觉，胃口一般般！不过小虎还算善待我了，并没有其他的不适，最多也只有两次早晨刷牙的时候干呕了一阵子。一直到4个月的时候，我还是穿着以前的牛仔裤，一点也不像怀孕了。

按部就班，定期到医院检查，做产检项目。第一次“见到”小虎是2月26号，与想象中相差太远了，只能模糊分辨出五官在什么位置，说真的，我觉得还有点丑怪呢！

肚子一点一点地涨了起来，慢慢有了孕样。不过最满足的是能明显地感觉到胎动，这是唯一能够感应到他的存在，知道他安好的讯号。有时候突然觉得他好像有一段时间没有动，不自觉的担心起来，就会叫一下他，很奇异地，他都会回应我呢！到了后期，他的力气越来越大了，很多时候都会踢得我好痛，不过这也证明了小虎活力十足嘛！呵呵！（自我安慰）

最后一个月是最难挨的！觉得时间过得特别慢，好期待他的降临。但又开始了初期怀孕的担心，只能自我调节心态，安心等待ing。

6月12日上午，按时到医院检查，做胎监，照B超。医生检查后说头已经入盘了，下周再复检，并没有发现任何要出生的迹象啊！到了下午3点左右，觉得宫缩（其实还见红了，可惜俺太白目了，一点也不知道），被我忽略了，安心地上网，收拾准备入院的包袱。宫缩一直持续到晚饭后，开心担心了，做了一下记录，大概5分钟一次，每次30-40秒，还有继续小量“出血”的现象。终于下定决心到医院检查一下，求个安心。

到了产前区，医生说，是这两天生了，不过宫口未开。太突然了，离预产期还有两个星期啊！无奈先住院吧！已经凌晨12点了。当晚极其痛苦啊~ 开始“大量”出血，宫缩越来越严重，痛得要S~到了3点左右不得不打电话召回公仔，把行李带来！就这样痛得要命，又让你休息一下，又继续痛，一直持续到凌晨5点，护士帮我检查，宫口已经开到3指多了，直接叫我进产房。当时已经痛到头脑空白，连怕都不会了，好“淡定”地进了产房，反而公仔被吓到了，有点手忙脚乱。

在产房里，护士叫我做什么，就照着做。先人工破水，之后我选择了打镇痛，就躺在床上，等宫口开到十指，这也是个漫长的过程，不过有镇痛，感觉已经好多了！大概到了7点半，护士量了一下，已经开到十指了，就开始叫我自己生，宫缩的时候就用力。天啊！痛的时候用力，不是更加痛苦吗？！但是没办法，都已经来到这个地步了~~我忍！！！！！！！就这样，一下一下的用力，什么也不顾了……到了8点13分，在护士的“帮助”下，在那一次用力的过程中，感觉有好大一堆东西被护士拉了出来，顿时感觉从没有过的轻松啊！！！

这时听到了小虎第一次的喊声，护士把他放在我的身上，不知道为什么，我没有看他，可能是因为怕，也可能是已经没有力气转头了……只听到护士们在说，好可爱嘅仔仔啊！好白净喔！最中意呢D粉红色咖了！个头仔好圆喔！（多么鼓舞的说话啊！！！好像所有的痛苦都是值得的~）帮小虎清理干净穿好衣服，放在我旁边的BB车……

终于完成人生中其中一件大事了！！俺升级，当妈了！！